Një ngjarje e rëndë ndodhi në orët e para të mëngjesit në Maliq të Korçës, ku një person i kërkuar vrau një polic dhe plagosi një tjetër.
Burime pranë grupit hetimor thanë për VNA se policia mori informacion se i kërkuari Violand Bracellari ishte strehuar në banesën e tij. Forcat Shqiponja hartuan një plan operacional duke rrethuar banesën për ta vënë në pranga.
Me të mbërritur pranë shtëpisë së 42-vjeçarit, ai ka qëlluar me armë, duke vrarë punonjësin e policisë Enea Mekolli, ndërsa ka plagosur efektivin tjetër, Edison Adri.
Policia është kundërpërgjigjur me armë, duke e plagosur autorin.
Drejt vendit të ngjarjes është nisur një grup hetimor për të sqaruar rrethanat e ngjarjes.
