Kryeprokurori Olsian Çela ka raportuar veprimtarinë vjetore të Prokurorisë së Përgjithshme në Kuvend.
Sipas kryeprokurorit, përqindjen më të ulët të kriminalitetit për 100.000 banorë e ka qarku Dibër, ndërsa përqindjen më të lartë e ka qarku Vlorë.
Edhe më 2023, kemi probleme me vakancat. Problemet me vakancat janë shkaktuar nga vettingu. Përqindjen e kriminalitetit më të lartë e ka pasur qarku Vlorë, ndërsa atë me kriminalitetin më të ulët e ka pasur qarku Dibër. Gjatë 2024, janë regjistruar mbi 23 mijë vepra penale. Ka tendencë ashpërsimi të masave të sigurimit”, tha Çela.
Ai tha se ka një mungesë të prokurorëve me 38%.
"Përgjatë vitit 2023 në të gjithë nivelet e prokurorive të juridiksionit të përgjithshëm ka vijuar krijimi i vakancave të përkohshme dhe të përhershme deri në 38 % të prokurorëve (rivlerësimi kalimtar). Megjithë problemet e krijuara nga këto mungesa të theksuara në organikë, prokuroritë e juridiksionit të përgjithshëm kanë ushtruar me përgjegjësi kompetencat bazuar në kuadrin ligjor në fuqi, rekomandimet e institucioneve kushtetuese dhe ndërkombëtare" tha Çela
