Drejtoria e Përgjithshme e Burgjeve njoftoi zyrtarisht se ka miratuar leje shpërblyese 5 ditore për të dënuarin Alfred Beleri.
Sipas dokumentit të bërë publik Beleri do të lërë qelitë me datë 15 korrik ora 06.30 dhe duhet të rikthehet në burg me datë 20 korrik ora 20.00.
Gjatë kësaj kohe në dy adresat në Himarë dhe Strasburg duhet të mbajë kontakte me policinë.
Njoftim për shtyp
Pas kërkesës së të dënuarit Dhionisis (Alfred) Beleri për leje shpërblyese në funksion të ndjekjes së punimeve në Parlamentin Europian nga datat 15-19 korrik 2024 në Strasburg, në bazë të nenit 72, të ligjit nr.81/2020 “Për të drejtat dhe trajrimin e të dënuarve dhe paraburgosurve”, Drejtoria e IEVP Fier me miratim të DPB, pas plotësimit dhe verifikimit të dokumentacionit sipas ligjit dhe akteve nënligjore në fuqi i ka miratuar dhënien e lejes shpërblyese të burgosurit Dhionisis (Alfred) Beleri nga data 15.07.2024- 20.07.2024. Në përfundim të lejës, i denuari Alfres Beleri do të kthehet në IEVP Fier për të vazhduar kryerjen e dënimit sipas vendimit penal të formës së prerë nr. 14, datë 5/03/ 2024 të GJKKO.
[caption id="attachment_6661" align="alignnone" width="217"]
Screenshot[/caption]
