Raporti vjetor i Prokurorisë së Përgjithshme mbi kriminalitetin në vend, i dorëzuar në Kuvend, thotë se gjatë vitit 2024 krimet seksuale në Shqipëri kanë shënuar një rritje me gati 30% në krahasim me vitin paraardhës.
Raporti evidenton 161 hetimet në total, që kanë dërguar 85 persona si të pandehur në sallën e gjyqit.
Rastet më të shumta të kësaj natyre krimi janë vërejtur “marrëdhëniet sekuale ose homoseksuale me të mitur” dhe “ngacmimi seksual” dhe mes të pandehurve është një vajzë, si edhe një i huaj.
Referuar raportit, vepra penale më e ndeshur gjatë vitit të shkuar ishte “vjedhja e pasurisë”, që përbënte 62% të hetimeve penale në prokuroritë e zakonshme në vend. Veprat penale në fushën e narkotikëve zinin 10% të totalit, ndërsa vepra më pak e hasur ishte “falsifikimi i monedhav edhe letrave me vlerë”, në më pak se 1%.
Saranda është qyteteti me koefiçentin më të lartë të kriminalitetit, ndërsa më të ulëtin e ka Berati. Referuar të dhënave social-demografike më të përfshirët në krim i përkasin gjinisë mashkullore, që jetojnë në qytet dhe që kanë arsim deri në 9-vjeçar ose të mesëm.
