Kontrolli i Lartë i Shtetit ka audituar Agjencinë e Menaxhimit të Garancive dhe Kredive të Pashlyera ku ka konstatuar shkelje të rënda.
Një prej tyre lidhet më moshën e kredimarrësve, të dhëna të cilat mungojnë, që sipas KLSH-së dëshmon për papërgjegjshmëri të institucionit.
“Me kalimin e viteve shumë nga kredimarrësit kanë dalë në pension ose kanë ndërruar jetë. Në lidhje me debitorët që kanë ndërruar jetë sipas të dhënave të Agjencisë rezulton se janë identifikuar 92. Nga auditimi konstatohet se kjo databazë nuk është e saktë, pasi janë konstatuar minimalisht edhe 3 debitorë që kanë ndërruar jetë të cilët nuk gjenden në të dhënat e raportuara të Agjencisë, duke shfaqur neglizhencë dhe papërgjegjshmëri të Agjencisë në zbutjen dhe eleminimin e këtij rrisku”, thuhet në raport.
KLSH ka konsatuar si shkelje edhe faktin se Këshilli Mbikqyrrës i Agjencisë ka ushtruar pjesërisht kompetencat e tij ligjore, pasi në vitin 2021 nuk është siguruar që llogaritë financiare të Agjencisë të kontrollohen nga një ekspert i jashtëm.
Agjencia e Menaxhimit të Garancive dhe Kredive të Pashlyera është drejtuar një periudhë kohen nga Eri Koshaj i cili në 20 nëntor 2023 kallëzoi bashkëshortin e eprores së tij, ministres së Financave Delina Ibrahimaj se e kishte goditur me thikë për shkak të detyrës.
