Kaq e rëndë është situata sa brenda një viti 3 persona që kanë qenë apo janë zgjedhur për të drejtuar Bashkinë e Himarës përballen me akuzat e SPAK.
I fundit është kryetari i komanduar 3 javë më parë Arqile Bollano, i cili është duke u hetuar nga SPAK për disa procedura që lidhen me dhënien e tokës bujqësore të kësaj bashkie.
Bashkia Himarë drejtohej që nga viti 2015 nga Jorgo Goro. Ky i fundit U ndalua në mars të këtij viti me urdhër të SPAK, pasi dyshohet për abuzime lidhur me çështje pronësie.
Ndërkohë edhe kryetari i votuar në zgjedhjet e vitit të kaluar, Alfred Beleri, ndodhet në burg i dënuar për shit blerje votash.
