Kisha Orthodokse Autoqefale e Shqipërisë do të zgjedhë kryepeshkopin e ri më 16 mars 2025, pas ndarjes nga jeta të Anastas Janullatos. Zgjedhja do të bëhet në Qendrën Sinodike pas Liturgjisë Hyjnore, sipas Statutit të Kishës. Më 31 janar, mijëra besimtarë dhe përfaqësues nga Shqipëria, Greqia dhe bota i dhanë lamtumirën e fundit kryepeshkopit Anastas, i cili ndërroi jetë më 25 janar në Athinë, në moshën 95-vjeçare.
