Zyra e kryeministrit izraelit, Benjamin Netanyahu, ka deklaruar se një armëpushim në Gaza, që do të hynte në fuqi mëngjesin e sotëm, nuk do të ndodhë nëse Hamasi nuk arrin të nxjerrë listën e pengjeve që do të lirohen.
“Kryeministri udhëzoi IDF-në se armëpushimi, i cili supozohet të hyjë në fuqi në orën lokale 08:30, nuk do të fillojë derisa Izraeli të ketë listën e të rrëmbyerve të liruar që Hamasi është zotuar të sigurojë”, tha zyra e tij.
Hamasi ka deklaruar se vonesa në zbulimin e emrave të pengjeve që do të lirohen në fazën e parë është për shkak të “arsyeve teknike në terren”.
Grupi ka pohuar angazhimin e tij ndaj marrëveshjes së armëpushimit të Gazës të planifikuar për sot.
Sipas marrëveshjes së armëpushimit, emrat duhet të jepen të paktën 24 orë para shkëmbimit të planifikuar, i cili supozohet të ndodhë diku pas orës lokale 16:00.
Vendndodhja e shkëmbimit të pengjeve është gjithashtu e paqartë, ndërsa ushtria izraelite po përgatit tre lokacione të ndryshme të mundshme pranë kufirit me Gazën jugore, qendrore dhe veriore.
Netanyahu ka paralajmëruar se faza e parë e marrëveshjes për të ndaluar luftimet në Gaza ishte “një armëpushim i përkohshëm” dhe se Izraeli rezervoi të drejtën për të rifilluar luftën, me mbështetjen e SHBA-së, nëse ajo do të prishej.
