Interi ka arritur marrëveshje për transferimin e përhershëm të mesfushorit të Liverpoolit, Curtis Jones, sipas raportimeve të mediave italiane dhe britanike.
Jones, i formuar në akademinë e Liverpoolit dhe pjesë e klubit anglez prej 16 vitesh, pritet të transferohet në Milano për një paketë totale prej 35 milionë eurosh, përfshirë bonuset dhe shtesat.
Interi e ka ndjekur prej muajsh mesfushorin anglez, ndërsa interesi për të ishte shfaqur edhe gjatë merkatos së janarit. Jones ka hyrë në vitin e fundit të kontratës me Liverpoolin, çka e ka bërë transferimin e tij një mundësi të favorshme për klubin italian.
Sipas raportimeve, klubet janë në kontakt të vazhdueshëm për të finalizuar detajet e fundit të marrëveshjes, ndërsa Jones pritet t’i bashkohet një mesfusheje të Interit ku bëjnë pjesë Nicolo Barella, Hakan Çalhanoglu, Petar Sucic, Piotr Zielinski, Henrikh Mkhitaryan dhe Andy Diouf.
