Al Hilal ka piketuar tre sulmues të njohur si objektiva kryesorë për merkaton e kësaj vere, me klubin saudit që synon të afrojë një emër të madh në repartin ofensiv.
Sipas talkSPORT, objektivi numër një i Al Hilal është Harry Kane. Klubi saudit raportohet se ka zhvilluar kontakte me përfaqësuesit e sulmuesit anglez për të diskutuar mundësinë e një transferimi.
Kane ka kontratë me Bayern Munich deri vitin e ardhshëm dhe gjiganti gjerman dëshiron ta mbajë në skuadër. Megjithatë, 33-vjeçari nuk e ka përjashtuar mundësinë e një transferimi në Arabinë Saudite.
Në listën e Al Hilal janë edhe dy emra të tjerë të njohur: Victor Osimhen i Galatasarayt dhe Ollie Watkins i Aston Villas.
Osimhen mund të largohet nga klubi turk nëse plotësohet shuma e kërkuar për kartonin e tij, ndërsa Aston Villa nuk dëshiron të humbasë Watkins gjatë kësaj vere.
Klubi saudit po shqyrton kështu tre alternativa për të përforcuar sulmin, me Harry Kane që mbetet objektivi kryesor.
