Endrick do të vazhdojë të jetë pjesë e Real Madridit edhe sezonin e ardhshëm, pavarësisht spekulimeve për një largim në formë huazimi.
Sipas The Athletic, sulmuesi brazilian kishte tërhequr interesin e Aston Villas dhe Romës, por klubi madrilen, trajneri Jose Mourinho dhe vetë lojtari kanë rënë dakord që Endrick të qëndrojë në “Santiago Bernabeu”.
Mourinho e konsideron brazilianin një alternativë si në krahun e djathtë, ashtu edhe në qendër të sulmit. Trajneri portugez pritet t’i japë Endrickut mundësinë për të luftuar për një vend në formacion, ku do të konkurrojë për minuta me Yan Diomanden dhe Brahim Diazin.
Megjithatë, e ardhmja e tij nuk është e garantuar përtej pjesës së parë të sezonit. Real Madridi pritet ta rishikojë situatën në janar dhe, nëse Endrick nuk siguron minuta të mjaftueshme, huazimi mund të rikthehet në tryezë.
Braziliani tashmë ka marrë një mundësi të re për të bindur Mourinhon, ndërsa trajneri portugez fiton një tjetër alternativë për repartin ofensiv. Mourinho ka firmosur kontratë me Real Madridin deri në qershor të vitit 2029.
