Ilir Proda ka “shpërblyer” asistenten e tij, Iris Bregu, me gradën Drejtuese e Parë, me firmën e Drejtorit të Përgjithshëm të Policisë së Shtetit. Bregu nuk i është nënshtruar procesit të zakonshëm të marrjes së gradave, një proces shpesh i shoqëruar me akuza dhe debate të forta.
Megjithatë, ajo ka përfituar gradën e lartë nëpërmjet një pike të ligjit që lejon dhënien e gradave në raste funksionesh të veçanta. Ende mbetet e paqartë se çfarë funksioni të veçantë kryen asistentja e kryepolicit Proda që të justifikojë një promovim të tillë.
Pavarësisht kësaj, Iris Bregu tashmë gëzon jo vetëm një pagë më të lartë, por edhe të drejtën për të garuar me drejtuesit më të lartë të Policisë për pozicione të rëndësishme. A është kjo mënyra me të cilën Proda po i hap rrugën Bregut drejt një posti drejtues?
