Zbardhet dëshmia e Mustafa Licit pas vrasjes së të vëllait Fatbardhit më 10 gusht 2018.
Per ekzekutimin akuzohen Safet e Behar Bajri si dhe Astmer Bilali.
Mustafa Lici ka pretenduar se pas vrasjes i kanë cuar mesazh. Ai thotë që personin që i dërgoi fjalën e ka filmuar.
Dëshmia e Mustafa Licit
Mustafa Lici ka deklaruar se një ditë pasi i është vrarë vëllai është telefonuar
nga shtetasi G.J, i cili ka qenë i pranishëm në të njëjtën kafe me shtetasin Fatbardh Lici. Në telefon më ka thënë që du me ardh a jeni aty. Unë (Mustafa) i kam thënë mirësevjen dhe ardhsh i bardhë. Kur ka ardhur në shtëpi më ka thënë që më kanë ardhur mbrëmë me një fuoristradë të zezë dhe më kanë thirrur o G. o G. Pasi kam dalë jashtë, kam parë që në makinë ishin mbi dy persona. Njëri prej tyre më ka thënë: 'Quhem Tim Lisi dhe i thuj Licëve që gjakun e kanë të line". Unë (Mustafa), pasi kam dëgjuar këto fjalë, i kam thënë që hajde pak më vonë kur të jetë dhe Sokoli aty, që t'a dëgjoj dhe ai. G., ka ardhur sërish dhe ne, pasi ka ardhur, e kemi ulur e kemi pirë kafe dhe të gjithë bisedën e kemi të filmuar. Por unë nuk e kam besuar këtë fakt.
