Kuvendi përmes Komisionit të Etikës sapo ka përjashtuar me 30 ditë deputetin Argon Shehaj.
Vendimi u mor me kërkesë të Partisë Socialiste, pasi në seancën e fundit, mes tij dhe ministrit të financave pati debate.
Madje, pas disa paralajmërimeve, kreu i partisë Mundësia, Agron Shehaj, ishte përjashtuar nga seanca plenare. Kjo erdhi pas debateve të forta verbale që ai shkëmbeu me ministrin Petrit Malaj, ku Shehaj iu drejtua këtij të fundit me një gjuhë të ashpër dhe ofenduese.
Agron Shehaj drejtuar ministrit Petrit Malaj: Si në kohën e komunizmit, merreni me familjen time, po s’ju vjen turp fare? Po një qytetari të thjeshtë, çfarë i bën ti more maskara? Çfarë i bën? Më thuaj? I dërgon policinë? Më kërcënon haptas, si guxon? Si guxon, maskara. Je maskara, je një maskara, placo, hajdut.
Teksa deputeti i kërkonte llogari ministrit, ky i fundit nxori disa dokumente të kompanisë private të Agron Shehajt duke e akuzuar se po nxjerr paratë jashtë vendit.
