Ish-drejtuesi i Policisë së Shtetit, Dritan Zagani, ka publikuar në rrjetet sociale një video nga Zvicra, ku në sfond shfaqet kryeministri Edi Rama gjatë një ekspozite artistike të hapur prej tij në Gjenevë.
Postimi vjen në një moment kur prej dy javësh mijëra qytetarë janë mbledhur në protesta të vazhdueshme, duke kërkuar dorëheqjen e kreut të qeverisë dhe adresimin e shqetësimeve të tyre.
Videoja e publikuar nga Zagani ka ngjallur reagime në rrjet, pasi kryeministrit ka vënë në dukje kontrastin mes angazhimit të Ramës në aktivitetet artistike jashtë vendit dhe situatës së tensionuar politike në Shqipëri.
Ndërkohë që protestat vijojnë dhe kërkesat e qytetarëve mbeten të pandryshuara prej 15 ditësh radhazi, kryeministri Edi Rama ka zgjedhur të jetë i pranishëm në Gjenevë, ku po prezanton punimet e tij artistike në kuadër të një ekspozite të hapur për publikun.
