Ministri i Sigurisë Kombëtare të Izraeli, Itamar Ben-Gvir, ka reaguar ashpër pas vrasjes së katër ushtarëve izraelitë, duke bërë thirrje për një ofensivë të fortë kundër Libani dhe Hezbollahu.
Në një postim në rrjetet sociale, Ben-Gvir deklaroi se i kishte thënë kryeministrit Benjamin Netanyahu se “për çdo lot të derdhur nga një nënë izraelite, një mijë nëna libaneze duhet të qajnë”.
Ai shtoi se në Lindjen e Mesme “nuk fitohet me përgjigje të matura dhe përmbajtje”, duke kërkuar një reagim më agresiv nga ushtria izraelite.
Deklaratat e ministrit kanë shkaktuar reagime të shumta, sidomos pasi ai u shpreh se “i gjithë Libani duhet të digjet”, në një kohë kur tensionet mes Izraelit dhe Libanit vijojnë të përshkallëzohen.
Sipas raportimeve ndërkombëtare, sulmet izraelite të ndërmarra pas incidentit kanë shkaktuar dhjetëra viktima në territorin libanez, ndërsa situata në rajon mbetet tepër e tensionuar.
