Drejtoria e Përgjithshme e Burgjeve kontroll blic në burgun e Drenovës ku u gjet dhe sekuestrua një celular në përdorim të Laert Haxhiut.
Haxhiu akuzohet si kreu i një grupi të rrezikshëm kriminal që ka urdhëruar vrasje. I penduari i bandës Artan Tafani është duke rrëfyer krimet tronditëse.
Haxhiu është dënuar me burgim të përjetshëm për ngjarjen që njihet si masakra e Lushnjes në 2017. Në shënjestër të atentatit ishte Xhulio Shkurti nipi i Aldo Bares që i shpëtoi plumbave pasi u largua për pak minuta nga tavolina. Në atentat u vranë dy miqte e tij. Laert Haxhiu u ekstradua pak kohë më parë nga Greqia. Ai njihet si kundërshtar i përbetuar i Aldo Bares.
