Kryeministri Edi Rama ka reaguar mbi hetimet e Prokurorisë së Posaçme ndaj kryetarit të Bashkisë Tiranë, Erion Veliaj, duke dënuar ashpër gjyqin publik që po i bëhet kryebashkiakut.
Sipas Ramës, Veliaj po përballet me cenim të jetës familjare dhe dinjitetit nga sulmet mediatike dhe komentet publike të pabazuara. “Erion Veliajt i cenohet jeta familjare nga gjyqi publik i bërë jo nga institucionet përkatëse, por nga ata që janë angazhuar në këtë linçim,” u shpreh Rama.
Kryeministri theksoi se nuk bën komente për çështje që janë në kompetencën e drejtësisë, por vuri në dukje se linçimi publik dhe kërkimi i “gijotinës” për Veliajn janë të papranueshme.
"Deri sot është qëndrimi im, mund të komentoj vendime të formës së prerë për një shpifës, që për mua ka qenë një nga vendimet më të drejta. Linçimi publik i kryetarit të bashkisë është i neveritshëm, kërkimi i gijotinës për të është skandaloz. Këto janë komentet."
