Kërcimi i deputetëve të Partisë Demokratike me këngën e Sali Berishës shkaktoi reagime të shumta në rrjetet sociale. Arsyeja ishte se protagonistët e kësaj vidoje ishin po ata deputetë si Gazment Bardhi, Agron Gjekmarkaj apo Xhelal Mziu, që e shanë për një vit kryetarin e PD dhe sot kërcejnë këngën e tij.
Por më entuziasti shfaqet deputeti Xhelal Mziu, i cili videon e festës e ka shpërndarë në faqen e tij në facebook, ndërsa ka bërë tag edhe presidentin e zgjedhur të SHBA-së, Donald Trump. Se çfarë ka dashur të tregojë Mziu duke bërë tag edhe presidentin e SHBA-së nuk kuptohet, por e sigurt është që Trump nuk di ta kërcejë këngën e Sali Berishës.
Ky nuk është i vetmi rast që deputeti i PD bën postime të çuditshme. Para disa ditësh publikoi në facebook një meme satirike për kolegun e tij Agron Gjekmarkaj dhe pasi u bë lajm në disa media, u detyrua ta fshinte. Shpresojmë që kësaj radhe të jetë koshient me veprimin e tij dhe që Donald Trump t’i bëj një ripostim, që dhe bota ta shoh sa qesharake është bërë Partia Demokratike.
