Kreu i Partisë Demokratike, Sali Berisha, ka bërë sot një deklaratë për mediat, duke pretenduar se kryebashkiaku i Tiranës, Erion Veliaj, është larguar nga Shqipëria në orët e para të mëngjesit, pas marrjes së një sërë akuzash të rënda, që sipas tij mund të përfshijnë dënime nga 20 deri në 35 vite burg. Sipas Berishës, Veliaj është raportuar të jetë nisur drejt SHBA-ve, megjithëse destinacioni i tij mbetet i pasigurt. Ai ka akuzuar kryeministrin Edi Rama për orkestrimin e këtij akti, duke e përshkruar si një nga më të rëndët në historinë e shtetit, pasi Veliaj, sipas Berishës, është bashkautor dhe dëshmitar i skandaleve dhe vjedhjeve që i atribuohen Ramës.
