Ish-ministri i Infrastrukturës dhe i Jashtëm, Edmond Haxhinasto, për rreth 4 orë është marrë në pyetje nga prokurorët e SPAK. Në përfundim ai është shprehur për mediat se është pyetur për disa çështje.
“U pyeta si dëshmitar për disa çështje të caktuara. Kam ardhur si dëshmitar për çështje të caktuara. Deklarimet e mia i dhashë aty ku duhet”, tha shkurt Haxhinasto.
Nuk dihet saktësisht se për çfarë çështjesh është pyetur Edmond Haxhinasto, por kujtojmë që emri i tij ka dalë në dosjen ndaj ish-presidentit Ilir Meta dhe ish-bashkëshortes së tij, deputetes Monika Kryemadhi.
Haxhinasto përmendet për disa komunikime me SMS mes tij dhe Kryemadhit mbi lidhjen e një kontrate interkonjeksioni të fibrave optike në vend.
