Pensionistët janë mbledhur përsëri sot para Kryeministrisë për të kërkuar rritjen e pensioneve dhe për të shprehur pakënaqësitë ndaj qeverisë. Ata theksojnë se pensionet e tyre janë të pamjaftueshme për të përballuar as nevojat më bazike, si ilaçet apo ushqimet e shportës. Protestuesit akuzojnë qeverinë për korrupsion dhe për keqmenaxhim të fondeve publike.
Me pankarta ku shkruhej: “Punë një jetë, pensioni në dietë” dhe “Hiqni dorë nga korrupsioni të na rritet pensioni”, pensionistët bënë thirrje për mbështetje dhe solidaritet. Një i moshuar u shpreh: “Më keq se sot nuk do të bëhemi. Të mblidhemi dhe ta rrëzojmë me votë”, duke theksuar se janë të vendosur të vazhdojnë protestat.
Ndërkohë, Qori nga Lëvizja Bashkë iu bashkua protestës, duke kritikuar ashpër qeverinë. Ai deklaroi se fondet që vidhen dhe shpërdorohen mund të përdoreshin për përmirësimin e pensioneve. “Qeveria e ka të pamundur të ketë para edhe për të vjedhur, edhe për të qeverisur,” tha Qori, duke theksuar se një miliard euro që shpërdorohen çdo vit do të mjaftonin për të rritur pensionet në nivelin e minimumit jetik.
Protesta është paralajmëruar se do të intensifikohet
