Ervin Salianji, ka mbajtur një konferencë për mediat në lidhje me dënimin e tij me një vit burg nga Gjykata e Apelit. Ai e quajti këtë vendim një goditje politike të urdhëruar nga kryeministri Edi Rama dhe ish-ministri Fatmir Xhafaj.
Salianji deklaroi se dënimi është rezultat i denoncimeve të tij për veprime korruptive dhe abuzive të zyrtarëve të lartë. Ai akuzoi Ramën për shkeljen e standardeve dhe vuri në dukje se ky veprim është një përpjekje për të fshehur frikën.
“Krimi im është se kam denoncuar me emër ata që u kanë rënë në qafë qytetarëve,” tha Salianji, duke shtuar se dënimi është një përpjekje për të mbrojtur vëllezërit Xhafaj nga drejtësia. Ai e cilësoi këtë si një goditje nën brez për të kënaqur grupet kriminale dhe theksoi se do të vazhdojë të luftojë për të drejtën, pavarësisht dënimit.
Salianji përfundoi me një apel për të gjithë ata që ndihen të frikësuar nga sistemi, duke u bërë thirrje që të mos përkulen dhe të përballen me çdo sfidë me guxim.
Deputeti i PD Ervin Salianji, ka kërkuar pjesëmarrjen e demokratëve në protestën e parashikuar për në 6 tetor.
“Nuk dorëzohemi! Është dita jonë e forcës. Më 8 tetor duhet të jemi bashkë për t’u shuar gëzimin se po shuajnë opozitën e PD”, tha ai.
