Dënimin e Ervin Salianjit me një vit burg nga Apeli, për veprën penale kallëzim të rremë, sipas kryetarit të PD, Sali Berisha, është një shpallje lufte ndaj opozitës.
Sipas ish-kryeministrit, vendimi për Salianjin rasti i parë në historinë e botës, që një kallëzim i vërtetë shpallet kallëzim i rremë.
Berisha gjithashtu tha se kjo është goditja e radhës që kreu i narkoshtetit shqiptar i bën opozitës shqiptare
“Dënimi i sotëm, goditja e radhës që kreu i narkoshtetit shqiptar i bën opozitës shqiptare. Deputeti Ervin Salianji, të cilin sot Edi Rama, Geron Xhafa, Fatzi Xhafa, e dënuan me një vit burg, sepse guxoi të përballej dhëmbë për dhëmbë, pa u tutur, me guxim qytetar, me krimin, me klanin më të fuqishëm të drogës së Vlorës, Geron dhe Fatmir Xhafën. Sot, Geron Xhafa, ky trafikant ndërkombëtar droge, i dënuar në Itali, në gjykim në Venezuelë, feston fitoren e tij mbi denoncuesin publik, deputetin e opozitës, Ervion Salianji. Ervin Salianji sot u dënua në një akt shpallje luftë opozitës shqiptare, nga Edi Rama, me akuzën kallëzim i rremë. Është rasti i parë në historinë e botës, që një kallëzim i vërtetë shpallet kallëzim i rremë.
Ervin Saliani u arrestua sot sepse provoi me zë dhe dokumente se Geron, ky baron droge, ky kriminel i pashpirt, drejtonte trafiqet nga Porti i Vlorës, ndërkohë kur kërkohej për të bërë burgun, dënimin në Itali, për krimin që kishte kryer në këtë vend. Dënimi i sotëm, goditja e radhës që kreu i narkoshtetit shqiptar i bën opozitës shqiptare” - tha Berisha.
