Gjykata e Posaçme rrëzoi kërkesën e ish-kryeministrit Sali Berisha dhe dhëndrit të tij, Jamarbër Malltezi, për përjashtimin e trupës gjykuese, me kryesuese Elsa Ulliri dhe anëtarë Bib Ndreca e Rudina Palloj.
Vendimi u mor nga gjyqtari i posaçëm Erjon Çela. Avokatët e Berishës dhe Malltezit thanë se nuk kanë asnjë kundërshtim me integritetin e gjyqtarëve, por sipas tyre, ata nuk mund të jenë të pavarur në vendimmarrje pasi kontrollohen nga SPAK.
Sali Berisha është i pandehur për akuzën e korrupsionit, ndërsa Jamarbër Malltezi për korrupsion dhe pastrim parash në dosjen “Partizani”. Në të njëjtën dosje të pandehur janë edhe Fatmir Bektashi, Xhimi Begeja dhe Andia Pustina.
Seanca e radhës për shqyrtimin e dosjes penale pritet të zhvillohet më 15 shtator.
