Kryeministri i Shqipërisë, Edi Rama, jo rrallëherë ka shpallur ambiciet që të digjitalizohen shërbimet publike dhe pagesat, madje së fundi shpalli se do të reduktojë cash-in në ekonominë shqiptare. Në shpalljen e këtyre ambicjeve ai nuk ka ngurruar të kritikojë rëndë sistemin bankar shqiptar për nivelin e shërbimeve bankare digjitale që ofrojnë. Kritikat i ka bërë në prani të drejtuesve të lartë të Bankës së Shqipërisë, të cilët kanë mbajtur shënim porositë e kryeministrit. Megjithatë, sa herë ka kritika të forta nga Kryeministri, aq herë sistemet e të dhënave të shtetit janë hakeruar e kanë dalë zbuluar apo nuk kanë funksionuar. Duket se armiqtë iranianë të Kryeministrit vigjëlojnë natë e ditë për ta sabotuar. Edhe këto ditë, siç pohon deklarata e APL, ka ngecje në sistemet e shtetit shqiptar, për ngarkimin e bilanceve, sapo Kryeministri lëshoi një kritikë për pagesat në cash. Meqë nuk ka njoftim për sulm iranian, thua Karma digjitale vepron në mënyra misterioze?!
Ndërkohë bizneset presin përgjigje dhe llogaridhënie përse sistemet që mbahen me taksat e tyre dhe tonat, madje të ndërtuara me procedura tenderash të shtrenjtë, bllokohen.
