Suvatimi i një nga godinave të burgut famëkeq të Spaçit, që dikur ishte dhoma e vizitave të të burgosurve, ka ngjallur reagime të ashpra nga aktorët e ruajtjes së kujtesës në vend.
Sot, ish të përndjekurit politikë kanë protestuar në Spaç me thirrjet
“Ferri nuk zbukurohet, burgu s’është agroturizëm”!
Suvatimi i godinave të burgut të Spaçit, që nga rrënoja që dëshmonin jetën e vështirë të ish të burgosurve, tashmë kanë marrë pamjen e godinave të reja të lyera me gëlqere të bardhë- ka ngjallur reagime të ashpra e pakënaqësi të mëdha nga aktorët e ruajtjes së kujtesës në vend. Burgu ku vuajtën dënimet politike apo humbën jetën, disa prej emrave më të njohur të intelektualëve të vendit gjatë diktaturës komuniste në vend, ka humbur gjurmët origjinale në disa prej godinave të kampit famëkeq.
