Administrata Tatimore ka raportuar një rritje shqetësuese të detyrimeve tatimore të papaguara gjatë muajit maj 2025, duke arritur në vlerën prej 4.7 miliardë lekësh. Përmes një njoftimi zyrtar, Tatimet i bëjnë thirrje të gjithë tatimpaguesve që të shlyejnë detyrimet brenda afateve ligjore për të shmangur masat shtrënguese dhe penalizimet financiare.
“Me qëllim informimin e tatimpaguesve dhe shmangien e masave të panevojshme, Administrata Tatimore i fton ata të likuidojnë detyrimet në kohë. Mospagimi në afat sjell jo vetëm gjoba dhe kamatvonesa, por edhe masa që vështirësojnë zhvillimin e aktivitetit ekonomik,” – thuhet në deklaratë.
Sipas ligjit nr. 9920/2008 “Për procedurat tatimore në Republikën e Shqipërisë”, i ndryshuar, bizneset që nuk përmbushin në kohë detyrimet fiskale përballen me penalitete që ndikojnë drejtpërdrejt në ecurinë e tyre financiare dhe operacionale.
Tatimet theksojnë gjithashtu se deri në hyrjen në fuqi të ligjit për faljen e detyrimeve – pjesë e paketës së re të paqes fiskale – të gjithë tatimpaguesit mbeten të detyruar të paguajnë detyrimet ekzistuese.
Ky paralajmërim vjen në një moment delikat, menjëherë pas përfundimit të procesit zgjedhor, kur vëmendja e publikut dhe e aktorëve ekonomikë është zhvendosur sërish te çështjet fiskale dhe reformat ekonomike që pritet të ndërmerren në gjysmën e dytë të vitit.
Njoftimi i plotë:
Administrata Tatimore bën me dije se gjatë muajit maj 2025 është evidentuar një rritje e detyrimeve tatimore të papaguara në vlerën 4.7 miliardë lekë.
Me qëllim informimin e tatimpaguesve dhe shmangien e masave shtrënguese të panevojshme, Administrata Tatimore u bën thirrje tatimpaguesve të shlyejnë detyrimet tatimore brenda afateve ligjore!
Mospagimi në afat i detyrimeve tatimore, sipas ligjit nr. 9920/2008 “Për procedurat tatimore në Republikën e Shqipërisë”, i ndryshuar, ju ngarkon jo vetëm me gjoba dhe kamatvonesa, por edhe me masa shtrënguese, të cilat vështirësojnë zhvillimin e aktivitetit tuaj ekonomik.
Gjithashtu, Administrata Tatimore informon se deri në hyrjen në fuqi të ligjit për faljen e detyrimeve tatimore, si pjesë e paketës së paqes fiskale, tatimpaguesit janë të detyruar të shlyejnë detyrimet tatimore për të shmangur masat shtrënguese.
Njoftimi i plotë:
Administrata Tatimore bën me dije se gjatë muajit maj 2025 është evidentuar një rritje e detyrimeve tatimore të papaguara në vlerën 4.7 miliardë lekë.
Me qëllim informimin e tatimpaguesve dhe shmangien e masave shtrënguese të panevojshme, Administrata Tatimore u bën thirrje tatimpaguesve të shlyejnë detyrimet tatimore brenda afateve ligjore!
Mospagimi në afat i detyrimeve tatimore, sipas ligjit nr. 9920/2008 “Për procedurat tatimore në Republikën e Shqipërisë”, i ndryshuar, ju ngarkon jo vetëm me gjoba dhe kamatvonesa, por edhe me masa shtrënguese, të cilat vështirësojnë zhvillimin e aktivitetit tuaj ekonomik.
Gjithashtu, Administrata Tatimore informon se deri në hyrjen në fuqi të ligjit për faljen e detyrimeve tatimore, si pjesë e paketës së paqes fiskale, tatimpaguesit janë të detyruar të shlyejnë detyrimet tatimore për të shmangur masat shtrënguese.
