Regjisori Altin Basha dhe kryetari i Bashkisë së Tiranës, Erion Veliaj, vazhdojnë përpjekjet për t’u mbushur mendjen shqiptarëve se teatri i ri është një kryevepër arti me të cilën do të mburren brezat në të ardhmen. Herë pas here, ata ftojnë edhe turistë të huaj që vizitojnë Tiranën, duke i paraqitur si kritikë arti të mahnitur nga pallati shumëkatësh ku do të strehohet Teatri i Ri Kombëtar.
“Duhet të marrim vendime dhe duhet t’i kemi teatrot njësoj siç i ka Bashkimi Europian, me ajër të kondicionuar në verë dhe me ngrohje në dimër. Kjo do të thotë se po ndërtojmë një teatër për 100 vitet e ardhshme, jo për 100 vitet e shkuara,” – tha kryetari i Bashkisë së Tiranës në këtë takim, ku bashkë me të në prezantimin e teatrit të ri merrte pjesë edhe drejtori i Teatrit Imagjinar Kombëtar, Altin Basha.
