Mbledhja e Këshillit të Lartë të Emërimeve diskuton kandidaturat dhe kohëzgjatjen e vakancës në Gjykatën Kushtetuese. Prezente dhe përfaqësues nga ambasada e SHBA
Në orën 14:00 ka nisur mbledhja e Këshillit të Lartë të Emërimeve, e cila do të shqyrtojë sot kandidaturat për vendin vakant në Gjykatën Kushtetuese. Mbledhja e sotme, në pikën e dytë të rendit të ditës, parashikon gjithashtu çështjen e mandatit të anëtarit që do të zëvendësojë Elsa Toskën, e cila dha dorëheqjen disa javë më parë. Në shpalljen e vakancës nga Kuvendi, Elisa Spiropali ka shkelur Kushtetutën duke e shtyrë mandatin nga viti 2025 në vitin 2028.
Deri më sot nuk ka pasur asnjë reagim nga qeveria apo parlamenti për këtë shkelje. Ndërkohë, mësohet se në mbledhjen e sotme të KED kanë mbërritur edhe përfaqësues nga Ambasada e Shteteve të Bashkuara në Tiranë. Mesa duket, shkelja e Kushtetutës nga kryetarja e Kuvendit po përcillet me shqetësim nga ndërkombëtarët. Mbetet për t’u parë çfarë do të vendosë mbledhja e sotme.
