Kryeministri Edi Rama u pyet në emisionin "Opinion" se sa kanë kushtuar biletat e ndeshjes së basketbollit në SHBA, ku ai ishte me familjen e tij. Rama u shpreh se biletat ia kishte blerë një mik për të cilin tha se nuk është i detyruar ta thotë.
“Ajo biletë as nuk blihet dhe as nuk shitet. Shko kërkoje dhe as nuk e blen dot. Ato janë bileta të rezervuara. Ajo biletë ka qenë e rezervuar nga miq të mi. Nuk ka rëndësi kush ka qenë. Nuk do vijë të më korruptojë mua me një biletë. Lërini këto. Është një mik që nuk ka lidhje me Shqipërinë. Nuk jam i detyruar ta them” – tha Rama që u justifikua edhe për udhëtimet me avion çarter.
