Ditën e djeshme Lorenzo Grassini dhe Roberto Berardi, të prezantuar si dy senatorë italianë, kanë shkuar tek paraburgimi i Durrësit, për të takuar kryetarin e bashkisë së Tiranës, Erion Veliajn. Grassini dhe Berardi, deklaruan se kishin shkuar në Durrës në mbështetje të kryebashkiakut por nuk ishin lejuar që të takojnë. Ish senatorët Por çfarë i lidh Lorenzo Grassini dhe Roberto Berardin me Erion Veliaj? Nga disa verifikime të bëra nga VNA, rezulton se Roberto Berardi, ish-senator i Forza Italia dhe zyrtar lokal në Orbetello (Grosseto), është nën hetim i akuzuar për përvetësim. Hetim i cili është i koordinuar nga zëvendësprokurori Salvatore Ferraro dhe i është besuar Guardia di Finanza, pas disa raporteve të brendshme nga administrata bashkiake. Një ish senator italian, i cili për vete përballet me akuza penale në Itali, vjen në mbështetje të kreut të Bashkisë Tiranë, Erion Veliaj, ky i fundit në qeli i akuzuar deri më tani nga SPAK për 4 akuza. Vijojmë... Lorenzo Grassini, aktualisht koordinator i Forza Italia, ka qenë më herët kandidat për eurodeputet. Sipas disa verifikimeve të VNA, Grassini rezulton se ka dy biznese në Shqipëri. Sipas të dhëneva të QKB -së, administrator i autorizuar prej tij është Erion Pustina. Sipas të dhënave të QKB, janë dy biznese, shoqëri me përgjegjësi të kufizuar (Sh.p.k):
ALTEKA TechWear Sh.p.k Regjistruar më 28/02/2022 Kapitali: 100,000 lekë Pronari i vetëm: Graziano Cremonini Aktiviteti: Prodhim dhe tregtim të veshjeve të punës, aksesorëve, artikujve të lëkurës, produkteve tekstile dhe sportive.
Smart Consulting Sh.p.k Themeluar nga Arta Gurabardhi dhe Erion Pustina Data e themelimit: 2022 Regjistruar sipas Ligjit 9901 dhe Ligjit 9723 për regjistrimin e tregtarëve dhe shoqërive tregtare.
Administratori dhe bashkëthemeluesi i njërit prej bizneseve të Grassinos, që erdhi të takonte Veliajn, nga hetimet e fundit nga SPAK, janë përmendur lidhje të mundshme të Ajola Xoxës me kompani të tjera, si "Rametal" sh.p.k., përmes ofrimit të shërbimeve ligjore.
