Lëvizja “Shqipëria Bëhet” dhe “Nisma Thurje” kanë shpallur sot zyrtarisht koalicionin e tyre për zgjedhjet e 11 majit, me emrin “Nisma Shqipëria Bëhet”. Drejtuesi formal do të jetë Adriatik Lapaj, i cili megjithatë ka nënvizuar se vendimmarrja do të mbetet në duart e një këshilli anëtarësh.
Lapaj e ka shtrirë dorën për bashkëpunim me forca të tjera politike, por deri më tani, e vetmja përgjigje ka ardhur nga Endri Shabani dhe “Nisma Thurje”. Për të tjerët, dera vazhdon të jetë e hapur – nëse guxojnë të hyjnë pasi Lapaj ka bërë të qartë se nuk ka ndërmend të hapë krahun për drejtimin e koalicionit.
