Kryeministri Edi Rama ka zhvilluar sot një takim me asambletë socialiste të njësive 8, 9 dhe 11 në Tiranë, ku nuk harroi të fliste edhe për institucionet e drejtësisë së re.
Arrestimet e shumta gjatë qeverisjes së tij, Rama disa prej tyre i quan arrestime pa gjyq, ndërsa tha se drejtësia e re ka kafshuar shumë në trupin e Partisë Socialiste.
“PS ka dy mandate që qeveris e vetme dhe i thotë drejtësisë: dil e pavarur, ha trupin tim, s’ka problem. Rëndësi ka që të gjithë të bëhen të barabartë para ligjit. Por kafshimet gabim të drejtësisë janë tragjedi,” tha kryeministri.
Rama vijoi me “këshillat” për drejtësinë duke thënë se përveç pavarësisë, duhet t’i peshojë mirë faktet dhe rastet, duhet të gjykojë pavarësisht statusit social të personave. Ndonëse zhvillon mbledhje si në kohën e Byrosë Politike, ku diskuton dhe kritikon çdo arrestim të SPAK me grupin parlamentar të PS.
