Ministri i Brendshëm, Ervin Hoxha, njoftoi se rreth 520 mijë shtetas shqiptarë që jetojnë jashtë vendit dhe kanë dokumente identifikimi të skaduara do të kenë mundësinë të votojnë në zgjedhjet e 11 majit. Sipas tij, është arritur një marrëveshje për shtyrjen e vlefshmërisë së këtyre dokumenteve deri më 31 maj 2025.
Hoxha e cilësoi këtë vendim si një hap të rëndësishëm për garantimin e të drejtës së votës për diasporën shqiptare dhe u bëri thirrje qytetarëve të mbështesin aktin ligjor për zgjatjen e afatit.
Nga ana tjetër, ish-kryeministri Sali Berisha e kritikoi këtë vendim, duke e quajtur “gjysmak dhe hipokrit”. Ai argumentoi se 800 mijë shqiptarë kanë dokumente të skaduara dhe se afati i regjistrimit prej vetëm katër ditësh është i pamjaftueshëm.
