Nga hedhja e fishekzjarrëve gjatë festimeve për ndërrimin e viteve, janë raportuar 20 persona të lënduar, por për fat të mirë pa rrezik për jetën.
Sipas burimeve policore, mes të lënduarve është edhe një vajzë 13-vjeçare, e cila ka pësuar një dëmtim të lehtë në parakrah nga një plumb qorr.
“Gjatë festimeve për ndërrimin e viteve, si pasojë e hedhjes së fishekzjarrëve, deri në orën 01:30 të datës 01.01.2026, në rang vendi janë raportuar 20 shtetas të lënduar, pa rrezik për jetën, si dhe një e mitur 13-vjeçare, e cila ka pësuar gërvishtje në parakrah, dyshohet nga një plumb qorr, në Vaqarr (16 raste në Tiranë, 2 në Durrës, 1 në Lezhë, 1 në Fushë-Arrëz dhe 1 në Korçë)”, njoftoi policia.
