Një shtetas italian është arrestuar në Tiranë në kuadër të operacionit të SPAK kundër një call center-i të dyshuar për mashtrime financiare, që operonte në një nga kullat e kryeqytetit.
I ndaluari është Cosimo Notaristefano, i cili dyshohet se është i përfshirë në veprimtari kriminale në kuadër të një grupi të organizuar që mashtronte qytetarë të huaj, duke u shkaktuar atyre dëme prej miliona eurosh përmes investimeve fiktive në bursat Forex.
Arrestimi është kryer nga policia me urdhër të Prokurorisë së Posaçme (SPAK), ndërsa operacioni vijon.
Më herët, Gjykata e Posaçme ka caktuar masën e sigurisë “arrest me burg” për gjashtë persona të tjerë të përfshirë në këtë aktivitet të dyshuar kriminal.
Operacioni kundër mashtrimeve përmes call center-ave të ngritur në Shqipëri ka çuar në dhjetëra arrestime, ndërsa disa persona të tjerë janë shpallur në kërkim ose janë nën hetim.
