Një ditë pas aksidentit me një viktimë të ndodhur mesditën e djeshme në aksin "Shkodër-Lezhë", Policia ka lëshuar dy urdhër arresti. Konkretisht, sipas njoftimit të Policisë së Shtetit, sektori i Qarkullimit Rrugor ka arrestuar për veprën penale “Shkelja e rregullave të qarkullimit rrugor”, me pasojë vdekjen, shtetasit H. Sh., 63 vjeç, dhe A. H., 22 vjeçe, të dy banues në Shkodër, të cilët aktualisht po marrin mjekim në Spitalin Rajonal Shkodër, pasi kanë pësuar dëmtime nga aksidenti.
