Ilir Beqaraj alias Brahimi alias Mancellari është një prej të pandehurve për ekzekutimin mafioz të Gentjan Bejtjas, në fshatin Larush të Fushë Krujës.
Ai është marrë i pandehur për akuzën e “vrasjes me paramendim” e kryer në bashkëpunim dhe “armëmbajtje pa leje”.
Në kërkim është shpallur autori i dytë i dyshuar Flodian Plaku alias Flodian Serjani alias Flodian Mamo. Ndërsa Edison Haxhiu është akuzuar për krijim të kushteve për të kryer vrasje.
Gentjan Bejtja, dikur mik e më pas armik i përbetuar i vëllezërve Durim e Valter Bami, të njohur si të fortët e Niklës u vra me 15 mars 2024, vritet në oborrin e banesës së tij në fshatin Larush.
Në aktakuzën e prokurorisë ndër të tjera thuhet se Ilir Beqaraj ka patur rolin e ndihmësit dhe ka vëzhguar lëvizjet e viktimës ditë përpara ngjarjes, ndërsa ka marrë pjesë dhe në vrasje.
GPS i makinës së marrë me qira prej tij e ka tradhtuar Beqaraj, pasi ai ka qëndruar para vrasjes në afërsi të lokalit dhe banesave të vëllezërve Durim e Valter Bami.
“I pandehuri Ilir Beqaraj, në kohë të ndryshme përpara ngjarjes, me mjetin e tij volsvagen me targa AB4xxBx ka qenë në afërsi të vendit ku ndodhet banesa e shtetasit Gentjan Bejtja, kjo gjë provohet nga kqyrja e GPS të mjetit që Beqaj e ka marrë me qira.
Konkretisht, nga kqyrja rezulton se se mjeti Volsvagen me targa AB4xxBx ka të instaluara/ inkorporuar dy pajisje GPS nga të cilat rezulton se më datë 2 janar 2024 ky automjet ka ndaluar për rreth 33 minuta pranë kompleksit “J…” në aksion rrugor Nikël-Mukje, në fshatin Verjon, Nikël, që njihet si lokali i shtetasit Durim Bami. Ndërsa më datë 7 mars 2024 ky automjet ka qëndruar i ndaluar nga ora 20:27 deri në orën 20:36 pranë banesave të shtetasve Durim e Valter Bamin në fshatin Zezë”, thuhet në dosje. Valter Bami që u mor në pyetje nga policia deklaroi se ishte larguar nga Shqipëria drejt Kosovës me datë 13 mars, dy ditë para ngjarjes dhe prej andej ka shkuar në Dubai në Emiratet e Bashkuara Arabe ku është bashkuar me vëllain Durimin.
Prokuroria ka zbardhur edhe lëvizjet e Beqarajt ditën e ngjarjes, ku ai shfaqet në disa zona të ndryshme në Fushë Krujë.
“Nga provat e administruara dhe konkretisht pamjet filmike të sekuestruara rezulton se më datë 15 mars në prën 10:36 automjeti I markës Volksvagen Golf me targa AB 9xxGx futet në ambjentet e një kompleksi rezidencial në Lundër dhe pasi kthehet del sërish nga ambjentet e këtij kompleksi.
Në prën 09:39 ky automjet shfaqet në lëbizje duke dalë nga kompleksi rezidencial “L..H..” ku ndodhet dhe vila/banesa në pronësi të Ilir Beqaraj. Në orën 10:22 ku automjet konstatohet në lëbizje tek ish Sheshi Shqiponja në drejtim të Casa Italia, ndërsa në orën 11:30 ky automjet shfaqet në lëbizje ne segmentin rrugor Ura e Gjolës, në dejtim të mbikalimit të Fushë Krujës,rrugën përpara shkollës në fshatin Luz, Fushë Krujë.
Në orën 11:38 në orën 12: 48 në orën 13:30 në orën 13”59 kë automjet onstatohet në lëvizje, në rrugën përpara një marketi, në Fushë Krujë, ndërsa në orën 14:00 konstatohet në lëboizje, në fshatin Luz, Fushë Krujë”, thuhet në dosje.
Gani Bejtja, babai i Gentjan Bejtjas, ka deklaruar se 10 ditët e fundit para se të vritej, djali I tij ka qëndruar në banesën e prindërve. Sipas hetuesve, kjo dëshmon se grupi kriminal e ka planifikuar ne detaje krimin dhe ka pasur informacion për lëvizjet e Bejtjas.
Në gjurmët e të dyshuarve u ra fillimisht përmes makinës që u përdor në krim, mandet kamerat e ndryshme, përfshirë dhe të institucioneve fiksuan makinën me të cilën u larguan autorët. Ndërsa në një agjenci turistike u zbuluan të gjithë biletat e prera për Flodian Plakun, vëllezërit Bami ku të dhënat dërgoheshin nga Rohan Brahimi alias Sidorel Prendi që dyshohet të ketë qenë po ashtu në ngjarje, por ai u vra më pas në Greqi.
Ish-policit të Burgjeve Gentjan Bejtja më herët i kishin vrarë kunatin në derën e shtëpisë dhe i kishin plagosur fëmijët e mitur. Ai vetë iu kishte mbijetuar disa atentateve.
