Një dron ende i paidentifikuar ka shpërthyer në hapësirën ajrore të Bullgarisë, pranë kufirit me Rumaninë, duke shkaktuar alarm te autoritetet.
Sipas kryeministrit bullgar Rumen Radev, droni hyri nga territori rumun dhe shpërtheu rreth 1 kilometër larg një stacioni kompresor të gazsjellësit Trans-Ballkanik, pranë ish-pikës kufitare Kardam. Nga incidenti nuk pati viktima apo dëme në ndërtesa dhe infrastrukturë.
Autoritetet bullgare dhe rumune nuk arritën ta identifikonin dronin gjatë fluturimit, ndërsa pas shpërthimit vendndodhja u përcaktua menjëherë. Në zonë pritet të shtohen masat e vëzhgimit.
Incidenti vjen pak ditë pasi Rumania rrëzoi tre dronë brenda tri ditësh në hapësirën e saj ajrore. Të paktën një prej tyre është identifikuar si dron i tipit Shahed, i përdorur nga forcat ruse.
