Një ushtar francez, i cili ishte pjesë e Forcave Ndërkombëtare të stacionuara në Libanin jugor është vrarë. Lajmi u konfirmua edhe nga presidenti francez Emmanuel Macron, duke shtuar se provat sugjerojnë që grupi i armatosur i mbështetur nga Irani, Hezbollah, ishte përgjegjës për sulmin.
“Tre ushtarë të tjerë u plagosën dhe janë evakuuar”, tha Macron në një postim në X, duke i kërkuar qeverisë libaneze të veprojë kundër autorëve të dyshuar.
Qeveria libaneze ka dënuar sulmin e sotëm ndaj batalionit francez. Kryeministri libanez, Nawaf Salam, tha se paqeruajtësit francezë të OKB-së u sulmuan në Liban, ndërsa bëri thirrje për një hetim urgjent për incidentin.
Ushtarët ishin pjesë e Forcës së Përkohshme të OKB-së në Liban (UNIFIL), një mision paqeruajtës në jug të vendit.
