Kryetari i PD, Sali Berisha, ka sulmuar sërish SPAK-un, duke deklaruar se institucioni ka treguar me dosjen “Aruba” se është “paradhomë e pushtetit”.
Gjatë bashkëbisedimit me qytetarët në rrjetet sociale, Berisha akuzoi SPAK dhe konkretisht Altin Dumanin se kanë fshehur emrat e zyrtarëve qeveritar të përfshirë në dosje, ndërsa kanë publikuar emrat e trafikantëve dhe biznesmenëve.
“Nëse është apo nuk është paradhomë e pushtetit, ju ftoj të keni parasysh vetëm këtë moment. Dosja e Arubës, që ka ardhur nga Belgjika dhe Spanja, ka emrat e trafikantëve që ishin në takimin e Arubës, emrat e biznesmenëve që ishin në takim me trafikantët, si dhe emrat e qeveritarëve që organizonin takimin. Altin Troplini publikon emrat e trafikantëve, publikon emrat e biznesmenëve dhe nuk publikon emrat e qeveritarëve që ishin aty, vetëm për të mbrojtur qeverinë e tij dhe Edi Ramën”, deklaroi Berisha.
Kreu i PD-së komentoi gjithashtu edhe thirrjet e dëgjuara gjatë protestave, ku qytetarët brohorasin “Rama n’burg, Berisha n’burg”. Berisha përsëriti qëndrimin se këto janë slogane dhe klithma mjerane të opozitës së opozitës dhe nuk përfaqësojnë idealet e qytetarëve shqiptarë.
