Sali Berisha, megjithëse ka shpallur "bashkimin", është e vështirë të besosh se do t'ia falë Gazment Bardhit përplasjen e ashpër dyvjeçare që patën mes tyre. Veçanërisht pas sulmeve të forta që ai bëri, sidomos kundër djalit të tij, Shkëlzen Berisha.
Pasi doli nga arresti shtëpiak dhe u rikthye në Partinë Demokratike, Berisha mesa duket ka marrë masën e tij të parë.
Gjatë një mbledhjeje me drejtuesit e politikë pasditen e sotme, Bardhi ulej në krye të mbledhjes në krah të Berishës dhe drejtuesve të tjerë të partisë. Ndryshe nga herët e tjera, sot kryetarit të Grupit Parlamentar të PD ia kishin spostuar karrigen pak më poshtë, në krahun e deputetëve nga fundi i rreshtit.
Në anën tjetër, Berisha ka qëndruar afër vetëm me besnikun e tij, Flamur Noka.
