Në të njëjtën orë që ishte thirrur në SPAK për të firmosur përfundimin e hetimeve për cështjen e ish-kompleksit sportiv Partizani, Sali Berisha ka njoftuar konferencë për mediat për të folur sërish rreth akuzës që prokuroria ka ngritur ndaj tij.
Pritet që të jenë vetëm avokatët që do të hedhin firmën mbi fashikujt voluminoz të dosjes hetimore që pritet ti kalojë gjykatës për shqyrtim në seancë paraprake. SPAK ka përfunduar hetimet për ish-kryeministrin, Sali Berisha dhe e ka marrë të pandehur për akuzën e korrupsionit pasiv kryer në bashkëpunim me dhëndrrin e tij Jamarbër Malltezi. Mbi këtë të fundit janë ngritur akuzat e korrupsionit e pastrimit të parave. të pandehur janë edhe Fatmir Bektashi, Xhimi Begeja dhe Andia Pustina.
