Benet Beci ka lënë sot mënjanë humorin dhe i është përgjigjur interesimit të gazetarëve për prezencën e tij në Prokurorinë e Përgjithshme: “Sigurisht, jam paraqitur për të dhënë shpjegime normalisht. Kush do të merret me llafe të merret me llafe; mendoj se kryesorja është që ne të vazhdojmë investimet, punët. Shkodra nuk ka të ndalur në rrugën që ka marrë,” është shprehur ai, duke vazhduar angazhimin në detyrat e Bashkisë së Shkodrës.
Benet Beci u thirr dy ditë më parë në SPAK për çështje të së kaluarës së tij si drejtues i institucioneve të rëndësishme, si Fondi Shqiptar i Zhvillimit dhe Korporata Elektroenergjetike Shqiptare. VNA ka mësuar se atij i është komunikuar akuza si person nën hetim, ndërsa prokurorët nuk e kanë përfunduar ende hetimin e çështjes ku është i përfshirë kryetari i Bashkisë së Shkodrës.
