Albert Veliu, i njohur me nofkën "Babalja," është rishfaqur sërish në publik. Ai është personazhi kryesor i dënuar bashkë me ish-deputetin demokrat Ervin Salianji për fabrikimin e provave kundër vëllait të ish-ministrit të Brendshëm, Fatmir Xhafaj. Në një video, Babalja pretendon se Geron Xhafaj i ka një borxh prej 300 mijë eurosh për 12 kilogramë. Ai gjithashtu përmend se Fatmir Xhafaj i detyrohet një falje, pasi kishin një pakt mes tyre. Në këtë mënyrë, Babalja i rikthehet akuzave të mëparshme ndaj Geron Xhafajt. Video është publikuar nga kryetari i Partisë Demokratike Sali Berisha.
