Kryetari i Bashkisë Shkodër, Benet Beci mesa duket e ka marrë me sportivitet lajmin se është vënë zyrtarisht nën hetim nga SPAK.
Në një reagim në facebook, Beci ka shmangur një përgjigje për hetimin e SPAK, ndërsa ironizon aludimet e medias se ditën e nesërme pritet të jap dorëheqjen. Ai shkruan se dorëheqja e tij ishte sekret deri nesër, pasi “do të zgjidhet President i Amerikës”.
“Nuk e di ku dreqin e kane marre vesh disa portale qe kam dhene doreheqjen se ishte sekret deri neser! Po tani qe doli po e them edhe arsyen: Neser zgjidhem une President i Amerikes me kerkese te dy kandidateve te tjere, meqe e tregova ne Shkoder se jam i pelqyeshem per te dy palët”, shkroi Beci në Facebook.
