Drejtuesi politik i PD për Tiranën, Belind Këlliçi, ka qenë i ftuar në emisionin "Të Paekspozuarit", ku ka folur për një akuzë që rëndë që ka bërë Arben Ahmetajt, se protestuesit ndaj Erion Veliajt, paguhen nga Belind Balluku.
Duke qenë se protesta organizohet nga Belind Këlliçi dhe marrin pjesë kryesisht militantë të PD, Ylli Rakipi ka pyetur Këlliçin lidhur me këtë deklaratë.
Ish deputeti u përpoq të devijonte përgjigjen duke thënë se Ahmetaj nuk i referohej kësaj proteste, por shtoi se asnjë përpjekje për të baltosur protestën nuk do të ketë sukses dhe se protesta do të vijojë.
Pjesë nga biseda:
Ylli Rakipi: Arben Ahmetaj ka deklaruar se protestuesit kundër Veliajt paguhen nga Belinda Balluku. Çfarë përgjigje keni ju për Ahmetajn? Keni marrë gjë nga Balluku ju?
Belind Kelliçi: Intervista e tretë ka shkaktuar shumë interes, i jam rikthyer këtij fragmenti. Nuk ka thënë protestuesit paguhen nga Belinda Balluku, por është thënë që Belinda Balluku, që dihet në nivelet e armiqësisë që është me Erion Veliajn, është thënë që në aksione kundër Veliajt, Balluku sponsorizon njerëz që të marrin pjesë në protesta kundër tij. Ai thotë Belinda Balluku ka paguar njerëz të protestojnë kundër Veliajt. Nuk përmendet protesta te Bashkia Tiranë.
Ylli Rakipi: Ku ka protestë tjetër përveç kësaj? Ti paske gjetur përgjigje. Ja çfarë ka thënë Ahmetaj: “Njerëz të saj kanë paguar njerëz për të shkuar në protestë. Ore shiko se kur të mbarosh intervistën do të ulesh me njerëz të tjerë. E di ti që plackitësja ka paguar njerëz në protestat kundër Erionit?"
Belind Këlliçi: Nuk përmenden protestat te Bashkia e Tiranës.
Ylli Rakipi: Është edhe protesta e Arlind Qorit por atë nuk e paguan njeri. Është qartazi për protestën tuaj.
Belind Këlliçi: Unë po marr deklaratën që ka dhënë.
Ylli Rakipi: Ta zëmë se e ka për ju, çfarë përgjigje keni ju?
Belind Këlliçi: Të gjejnë një lek apo qindarkë të një njeriu në opozitë që mund të ketë marrë lek dhe unë iki nga politika.
Ylli Rakipi: Unë jam i qartë që nuk ka ndodhur kjo.
Belind Këlliçi: Unë jam mësuar me këto. Të mos ishte media juaj dhe dy tre të tjera jo kombëtare, që i kanë dhënë jehonë fakteve, unë të garantoj që çfarë nuk është përdorur për të mbyllur protestën. Kjo mund të jetë mënyrë për ta baltosur, por kjo protestë do të vijojë. Përgjigjë imë, një qindarkë, një euro të gjendet në lidhje mes protestës dhe zyrtarit të shtetit, jo vetëm Ballukut dhe unë nuk dal më përpara asnjë qytetari.
Ylli Rakipi: Edhe mua më duket qesharake.
Belind Këlliçi: Ata janë njerëz që i njoh të gjithë, nuk baltoset dot ajo protestë.
Ylli Rakipi: A do ti vijoni protesta dhe çfarë synoni? Si ka mundësi që dalin kaq pak njerëz, më duket sikur vetë partia juaj, nuk është shumë e interesuar për te Bashkia. Shoh tani, një përpjekje e madhe për të marrë material të Ahmetaj dhe mirë bën opozita, por gjithmonë ka një përpjekje edhe për të bërë diferencime në luftën mes Veliajt dhe Ballukut. Pra duket që partia nuk është shumë e interesuar.
