Kandidati i PD për deputet në listën e hapur në Durrës, Aulon Kalaja, i cili nuk arriti të marrë mandatin më 11 maj për pak vota, ka bërë kallëzim penal në SPAK për vendimin e qeverisë për faljen e gjobave pak ditë para zgjedhjeve.
Kalaja është i vetmi nga kandidatët e PD që depoziton një padi në SPAK pas procesit të 11 majit. Më herët, kryetari i PD, Sali Berisha, ka akuzuar SPAK-un si bashkëpunëtor me Ramën për atë që ai e konsideron “farsë zgjedhore”. Nuk dihet ende nëse akti i sotëm i Aulon Kalasë është individual apo i koordinuar me lidershipin e PD-së.
