Gjykata e Tiranës caktoi masën e sigurisë arrest shtëpie për Spartak Carën. Ai akuzohet se dhunoi dhe mbajti peng faturisten e OSHEE kur shkoi në lokalin e Carës për të lexuar energjinë. Ndaj Carës rëndojnë akuzat e goditjes për shkak të detyrës, plagosje dhe heqje e paligjshme e lirisë. Cara është lidhje familjare e biznesmenit Ylli Cara, ish ortak në biznes me Ilir Pradon, Drejtor i Përgjithshëm i Policisë së Shtetit. Ylli Cara rezulton të jetë përmendur edhe në dosjen e vettingut të Prados, kur kryepolici doli para komisionit.
Lidhur me faturisten, ajo u dhunua në lokalin pronë të Spartak Carës në afërsi të ish-Fushës së Aviacionit.
